Во првото дерби на вечерта, Денвер го совлада Милвоки со 129-106 во дуелот на лидерите на Западната и Источната конференција. Никола Јокиќ со 31 поен и 11 асистенции ги предводеше Нагетс, додека Џамал Мареј имаше 26 поени. Јанис Адетокумпо за Милвоки запиша 31 поен, но во второто полувреме постигна само седум.
Второто дерби на вечерта беше помеѓу екипите на Феникс и Филаделфија, каде што домаќините славеа со 125-105. Девин Букер со 29 поени ги предводеше Санс, кои ја прекинаа серијата од три порази по ред. Тајрис Макси кај Сиксерс имаше 37 поени, а Жоел Ембид постигна 28 поени со 10 скока.
НА ОСТАНАТИТЕ НБА НАТПРЕВАРИ
Атланта – Индијана 143-130
Мајами – Бруклин 100-129
Сакраменто – Јута 121-113
ЛА Клиперс – Њу Орлеанс 110-131
