Иако уште сме на почетокот на квалификациите за Европското првенство, но се чини дека на првиот меч во неделната програма добивме сериозен кандидат за најубав гол во овој циклус.
Тимот на Хјулманд сигурно беше на добар пат да победи и во Астана, откако поведе Данска, но домашните фудбалери направија сензационален кам-бек и ги победија Данците со 3:2 во епски натпревар на „Астана арена“.
Младиот Хојлунд го постигна првиот гол за Данска во првото полувреме, а потоа постигна и втор гол за предност од 2:0 до 73-та минута. Но Казахстан се врати во игра преку головите на Зајнутдинов, Тагиберген и Ајмбетов, кој го комплетираше пресвртот во 89-та минута.
Од сите пет постигнати гола, најубедливо најдобар беше голот на капитенот Тагиберген, бидејќи играчот за врска испрати страшен удар и го „торпедираше“ немоќниот Каспер Шмајхел.
