Карлос Алкараз, шпанскиот тенисер, го победи русинот Даниил Медведев со резултат од 6-3, 6-2, во финалето на Мастерсот во Индијан Велс, по само 72 минути игра. Оваа победа го врати на врвот на АТП-листата, каде што го замени Новак Ѓоковиќ и ја започна 21-вата недела на чело на листата.
Пред оваа средба, Медведев ги освои турнирите во Ротердам, Доха и Дубаи, и беше во голема победничка форма, но во ова финале не можеше да го победи Алкараз. Шпанецот беше подобар играч на теренот и го диктираше ритамот на мечот, креирајќи поени со својата агресивна игра и принудувајќи го Медведев да прави грешки. Алкараз му го одзеде сервисот на Медведев еднаш во првиот сет и двапати во вториот сет, и го победи без да дозволи мечот да трае подолго.
Ова е третпат по Мајами и Мадрид, каде што Алкараз освојува турнир од Мастерс-серијата 1.000.
На овој турнир и на следниот во Мајами, Новак Ѓоковиќ не учествува поради забраната на Соединетите Американски Држави за невакцинирани луѓе да влезат во земјата.
Во женското финале Елена Рибакина, шампионката од Вимблдон, е освојувачка на овој турнир, откако преживеа маратонски прв сет во тај-брејк. На крајот, таа беше подобра од шампионката на Австралија опен, Белорусинката Арина Сабаленка, со резултат 7:6(13:11)/6:4. Ова е прва ВТА 1000 титула во кариерата за Рибакина, која е родена во Моска, но настапува за Казахстан. За неа ова беше и слатка одмазда против Сабаленка, која ја победи во финалето на Австралија опен. Во првиот сет, Сабаленка водеше со 3:2, но Рибакина се врати и победи во трај-брејкот со 13:11, по што го освои сетот по маратонски час и 20 минути игра. Во вториот сет, Рибакина брзо направи брејк и го доби мечот по повеќе од два часа.
