Туристите кои го посетија Охрид за Велигден годинава беа почестени со неверојатна глетка – јато фламинга во лет над езерото.
Фламингата се крупни птици, високи над еден метар, а овој вид, Големото фламинго (Phoenicopterus roseus) е распространет на најголема површина – во Северна Африка, Јужна Азија, Јужна Европа и на Блискиот Исток, а се среќава и на север до германско-холандската граница.
Во последните години, оваа егзотична птица сѐ почесто се забележува во Македонија, на Охридското и Преспанското Езеро.
