Примерот Димитар Ковачевски по средбата со претседателот на Србија Александар Вучиќ и премиерот на Албанија Еди Рама на саемот на вино „Винитали“, во Верона, Италија, на својот фејсбук профил истакна неколку придобивки од иницијативата Отворен Балкан.
„По иницијативата за заеднички лични карти, кои ќе ги отворат можностите за работа во Северна Македонија, Србија и Албанија, како и побрзиот проток на границите, сега имаме нови планови кои значат бенефит за граѓаните на трите држави. Работиме на слободно движење на луѓе, добра и услуги и веќе ја разгледуваме можноста за ден со отворени граници за земјите од Отворен Балкан. Заедно со моите колеги и пријатели, претседателот на Србија Александар Вучиќ и премиерот на Албанија Еди Рама, ќе работиме на подготовки за заеднички Филмски фестивал кој ќе се одржува во Скопје, за што подготовките веќе се во тек. Ќе организираме и заеднички спортски игри за основците и средношколците од нашите земји за да може да се натпреваруваат, да се дружат и да склучуваат пријателства.
Нема поголем мотив да бидеме дел од Отворен Балкан. Оваа иницијатива е нешто органско, автентично, базирано на добра верба, добра волја и добрососедски односи во нашите три земји“, вели Ковачевски во објавата на својата официјална фејсбук страна.
