Македонскиот стратег Емил Рајковиќ, кој седна оваа сезона на клупата на ЦСКА Москва, го освои признанието за тренер на годината во ВТБ лигата за натпреварувачката 2023/2024. Рајковиќ имаше фантастични резултати со својот тим, кој постави пет лигашки трофеи. Тоа беше повеќе од доволно за да го освои овој престижен трофеј, и притоа Македонецот успеа и да се запише во историјата како единствениот стратег, кој успеал да освои две награди за најдобар тренер на година со две различни екипи. Претходно со екипата на Астана во сезоната 2018/19, кога во регуларниот дел од сезоната, заврши на шестото место на табелата.
Рајковиќ се заблагодари на целиот тим на ЦСКА Москва, вклучувајќи ги играчите, тренерите, персоналот и раководството, и го посвети овој трофеј на нив. Тој истакна дека овој успех не е само негов, туку на целиот тим, и дека најважната цел на ЦСКА Москва е пред нив – да продолжат да победуваат во наредните натпревари кои се многу поважни.
