Арсенал со сигурна победа над Челзи на дербито во Премиер лигата и се врати на лидерската позиција на табелата, два бода пред Манчестер Сити, но шампионот има два натпревари помалку.
Френк Лампард, третиот менаџер на Челзи оваа сезона, направи големи промени во составот, а Обамејанг се врати на теренот за Арсенал. Сепак, Челзи беше просечен тим, со слаба одбрана, каснеење на средниот ред и неопасен напад. Арсенал го искористи ова и заврши со победа од 3-1. Во првото полувреме Арсенал постигна три гола, по серијата промашувања на домаќините во 18-тата минута следуваше погодок на Одегард за водство од 1-0. Истиот фудбалер во 31-та минута одново се најде на вистинско место и со нов прекрасен погодок зголеми на 2-0. До крајот на полувремето и Гарбиел Хесус се запиша во листата на стрелци за екипата на Арсенал и ја најави победата. Во второто полувреме, Арсенал се повлече, но одлично ги затвораше налетите на противникот. Мадуеке постигна почесен гол за Челзи во 65-тата минута, но трите бода заслужено останаа на страната на Арсенал.
Во следното коло, Арсенал гостува кај Њукасл, Сити го пречекува Вест Хем, а Челзи ќе проба да го прекине својот негативен низ на гостувањето кај Борнмут.
