„Никогаш нема да те заборавиме Јана“, „Правда за Јана“, порачаа битолчани кои вечерва маршираа низ Широк сокак во чест на прерано згаснатиот живот на шестгодишното девојче во битолската болница. Ова е втор протест во Битола откако родителите на Јана обзнанија дека девојчето било примено во болницата во добра здравствена состојба, а состојбата и се влошила по примена инфузија со гликоза иако имала покачен шеќер.
Граѓаните порачаа дека протестираат и за Јана, но и за другите дечиња и пациенти, поранешни или идни, за чиј живот решаваат лекари со сомнителна стручност. Тие порачаа лекарите да си ја признаат грешката и правдата да биде задоволена.
