Откако првпат загуби во кариерата во полуфиналето во Мелбурн, Новак ги кажа своите впечатоци од мечот.
„Сакам да му честитам на Синер кој одигра одличен турнир, заслужено е во финалето, ме надигра. И бев шокиран од моето ниво, ништо не одиграв како што треба, ова е еден од најлошите натпревари што сум ги одиграл на Гренд Слемови. Секоја чест за него што направи некои работи подобро од мене. Успеав да се засилам во еден момент, при 2:1 во четвртиот сет имав 40:0, таму згрешив, но… Тоа е тоа. Нивото на мојот тенис не беше добро. Во тие моменти се обидуваш да најдеш смиреност, но и да се подигнеш себеси и играта. Така се обидов. Мислам дека публиката беше коректна за двајцата. Тоа е тоа, честитки , рече на почетокот Ѓоковиќ.
