Најдолгата серија без примен гол на аргентински чувар на мрежата сега е во сопственост на Емилијано Мартинез, кој по вчерашната победа на Аргентина над Парагвај од 1-0 го помина на вечната листа Герман Бургос.
Мартинез е без примен гол во дресот на актуелниот светски првак 622 минути, од финалето на Светското првенство во Катар против Франција кога беше совладан од Килијан Мбапе во 118 минута.
Досегашниот рекорд без примен гол во аргентинската репрезентација изнесуваше 608 минути, што Бургос го постави во 1998 година.
Од освојувањето на светската титула во декември лани, кога Мартинез беше прогласен за најдобар голман на Мундијалот, Аргентина нанижа седум победи без примен гол.
Следниот натпревар за Аргентинците е на програмата на 18 октомври против Перу во рамки на јужноамериканските квалификациите за Светското првенство 2026.
