Иако им беше забрането да дојдат во Атина на квалификацискиот натпревар од Лигата на шампионите во кој АЕК го пречекува Динамо, навивачите на загрепскиот клуб стигнаа до Грција и направија серија инциденти во Неа Филаделфија, просторот каде што се наоѓа стадионот Аја Софија.
Според грчките медиуми, околу 200 навивачи на Динамо дошле на стадионот „Аја Софија“ каде што треба да се одигра натпреварот меѓу АЕК и Динамо. Кога пристигнале на стадионот кршеле предмети, удирале луѓе, а имало дури и сериозни инциденти и повредени лица, а според последните информации едно лице починало откако било прободено со остар предмет.
Според информациите од грчкиот портал „Спорт24“, хрватски навивачи убиле 22-годишен навивач на АЕК. Уапсени се 96 лица, а во инцидентот е повредено и 12-годишно девојче, кое се нашло во близина на настанот. .
