Партизан ја прегази Цедевита Олимпија и се приближи до финалето во АБА-лигата. Со убедлива победа од 85-70, “црно-белите” не оставија место за изненадување и го контролираа натпреварот од почеток до крај.
На почетокот, гостите од Љубљана имаа предност од 4-6, но потоа Партизан ја затегна одбраната. Цедевита Олимпија постигна само два поени до крајот на првата четвртина, додека домаќините поведоа со 18-8. Партизан не се задоволи со тоа, продолжи со силна одбрана и го имаше Нанели како најрасположен напаѓач. Резултатот на полувремето беше 42-26 во корист на Партизан.
Победата на црно-белите во ниту еден момент не беше под прашање, а предноста беше толку удобна што Обрадовиќ им даде шанса на дел од резервните играчи во последната четвртина. Тие го задржаа водството и обезбедија конечен резултат 85-70.
Нанели беше најефикасен со 18 поени, Мадар постигна 13, а Егзум 11. На страна на Цедевита Олимпија, Ферел беше најефикасен со 13 поени.
Вториот натпревар од полуфиналната серија ќе се игра во Љубљана во вторник во 18 часот.
