Голема трагедија се случи утринава во скопската населба Кисела Вода, во која најмалку тројца градежни работници се затрупани со градежен материјал при ископ и подготовка на терен за изградба на нова зграда.
Според неофицијални информации, тројца градежни работници биле извадени, а еден со потешки повреди е пренесен на скопските клиники.
Немилиот настан се случил зад кафулето „Фејс“, во близина на паркот „Македонија“. На местото на настанот во моментот има амбулантни возила, полиција, противпожарни екипи…
