Македонската женска тениска репрезентација го забележа вториот триумф во Третата Европска зона од Били Џин Кинг Купот што се игра во Скопје.
По вчерашната сигурна победа над Албанија од 3-0, денеска повторно со истиот резултат, и со сигурна и доминатна игра, беше решена селекцијата на Азербејџан и во овие дуели за нашата репрезентација не настапи нашата најдобра тенисерка, Лина Ѓорческа.
Најпрво Александра Симева славеше со убедливи 2-0 во сетови, односно 6-1 и 6-1 против Улвија Сулејманова и донесе водство за Македонија, по што нов триумф запиша Магдалена Стоилковска со 2-0 во сетови (6-0 и 6-0) против Лала Еивазова. За потоа повторно без загубен гејм во дуелот во двојки, младите Ива Данева и Ана Митевска со 6-0 и 6-0 ги совладаат Лила Еивазова и Улвија Сулејманова, за конечни 3:0. Овој меч траеше само 31 минута.
Утре во третото коло Македонија, ја чека потежок дуел, каде го пречекуваме првиот носител во нашата група, селекцијата на Финска.
