Полицијата во Чиле соопшти дека пронашла три часовници на американскиот актер Кијану Ривс, вклучително и „ролекс“ од 9.000 долари, за кој се верува дека бил украден од домот на актерот во Лос Анџелес кон крајот на минатата година.
Часовник „Rolex Submariner“ на кој е изгравирано името на актерот и зборовите „2021, JV4, ти благодарам, Џон Вик пет“ е пронајден во саботата во источниот дел на Сантијаго за време на полициска операција поврзана со низа локални грабежи, објави „CNN“.
Чилеанските власти соопштија дека пронашле накит и „вредни“ часовници за време на рациите во четири домови, при што најмалку еден часовник „припаѓал на добро познат актер кој бил жртва на грабеж во Лос Анџелес во декември 2023 година“.
Локалната полиција соопшти дека за време на претресот биле пронајдени три часовници кои му припаѓале на Ривс и дека чилеанските власти работат со американски официјални лица на случајот, што им помогнало да го поврзат часовникот со кражбата на актерот во 2023 година.
Полицијата соопшти дека поради пронајдените ограбени предмети уапсила младо момче на 21-годишна возраст.
Актерот неколку пати бил жртва на упади и грабежи, а во 2014 година наводно двапати во три дена му бил ограбен домот.
