„Ова не се гледа“: Доаѓаат првите реакции за трилерот со Џесика Алба на NETFLIX

од Вести365.МК | М.Т.

Aкциониот трилер Trigger Warning, со Џесика Алба во главната улога, пристигна вчера на NETFLIX. Откако стриминг платформата го објави трејлерот за филмот на индонезискиот режисер Мули Сурија на крајот на минатиот месец, многу претплатници беа многу возбудени за филмот, но по премиерата реакциите главно не беа добри.

Заплетот на филмот го следи Паркер (Алба), млад командант на специјалните сили кој ја презема сопственоста на барот на нејзиниот татко откако тој ненадејно умира. Поради ситуацијата, таа е принудена да се врати во родниот град, каде набрзо се наоѓа во конфликт со насилна банда која дивее низ градот. Паркер открива заговор што ја става во опасност.https://youtu.be/MnHTLh6ruW0

Покрај Џесика Алба, во филмот играат и Марк Вебер, Ентони Мајкл Хол, Алехандро Де Хојос, Тоне Бел, Џејк Вири, Габриел Басо, Каиви Лајман, Надив Молчо, Питер Монро, Стефани Џонс, Џејмс Кеди и други ѕвезди.

Покрај актуелните лоши критики, филмот засега нема добри резултати на Rotten Tomatoes. Иако, со оглед на релативно малиот број критики од критичарите и публиката, резултатот сепак може да се промени. Сепак, според сегашните критики, „Trigger Warning“ е оценет со 25 проценти од критичарите и 19 проценти од публиката.

„Навистина сакав да ми се допадне овој филм, но толку е лош што немаше шанси да го сакам тоа“, „Ова не се гледа, Netflix навистина треба да избира филмови подобро“, „Џесика Алба беше одлична во овој филм, но не вреди многу кога се друго беше грозно“, „Не очекував филмот да биде толку лош, се изненадив“, се дел од коментарите на публиката на Rotten Tomatoes.

Слични објави