Реал Мадрид, актуелниот европски и светски шампион, успеа да ја одбрани предноста од 5-2 во првиот натпревар против Ливерпул на „Енфилд роуд“, откако победи со 1-0 во реваншот од осминафиналето во Лигата на шампионите и успеа да се пласира во 1/4 финалето со вкупен резултат 6-2. Првото полувреме на натпреварот беше доста интересно каде во главната улога беа двајцата голмани Куртоа и Алисон со одлични интервении и на двете страни, но сепак немаше промена на почетниот резултат, но сепак Реал Мадрид успеа да победи со голот на Карим Бензема во 79. минута.
Во вториот вчерашен натпревр Наполи без проблеми славеше и во реваншот против Ајнтрахт Франкфурт со 3-0. Стрелец на првите два гола беше нигерискиот репрезентативец Виктор Осимен, додека победата ја запечата Зјелински од пенал во 94. минута. Нашиот Елиф Елмас мечот го почна од клупата за резерви, на терен влезе во 74. минута.
Познати се сите осум екипи во четвртфиналето: Наполи (ИТА), Реал Мадрид (ШПА), Манчестер Сити (АНГ), Интер (ИТА), Челзи (АНГ), Бенфика (ПОР), Баерн Минхен (ГЕР), Милан (ИТА).
Ждрепката за 1/4 финалето, а веднаш и за 1/2 финалето, е закажана на 17.03 (петок) во Нион.
Интересно е во оваа фаза што секој со секого може да се падне, значи може да има дуели на екипи од иста земја.
