Кијану Ривс моментално е на турнеја на која го промовира својот нов филм John Wick: Chapter 4, каде ги откри своите четири омилени филмови на сите времиња.
Познатиот актер откри кои филмови имале најголемо влијание врз него додека растел, а меѓу нив имало и неколку култни класици, но интересно е што ниту еден од филмовите во кои глумел не се запишал на неговата листа на омилени.
Прв на неговата листа на омилени филмови е „Eraserhead“, хорор филм од 1977 година напишан и режиран од Дејвид Линч.
За второто место, тој малку ги промени правилата со вклучување на целата франшиза „Војна на ѕвездите“. Како и многу други фанови, Ривс не можеше да избере омилен филм од франшизата.
Слично нешто направи и при изборот за третото место на листата на омилени филмови, во која ја вклучи култната трилогија „Кум“.
Ѕвездата на „Матрикс“ за последното место ја избра криминалната драма „Серпико“ од 1973 година во која глуми Ал Пачино.
