По супер интересната ждрепка за 1/4 финале и 1/2 финалето на Лигата на шампиони, попладнево во седиштето на УЕФА, Нион, се извлекоа и паровите за наредната фаза т.е 1/4 финалето во Лига Европа, каде како најинтересен се издвојува дуелот помеѓу екипите на Манчестер Јунајтед и Се.виља.
Иако Севиља не игра најдобро, оваа сезона во Ла Лига,а Манчестер Јунајтед се смета за апсолутен фаворит, сепак статистиката вели дека кога и да се пласира во четвртфинале од Лига Европа го освојува ова натпреварување.
Победникот од овој дуел во полуфиналето ќе игра со вториот најинтересен четвртфинален меч, дуелот меѓу Јувентус и Спортинг Лисабон.
Во другите четвртфинални средби ќе имаме и реприза на минатото финале од Конференциската лига, повторно се среќаваат Феенорд и Рома, а победникот од овој двомеч ќе игра со подобриот од дуелот меѓу Баер Леверкузен и Унион Сен Жилоа.
Четвртфинале ЛЕ:
Манчестер јунајтед – Севиља
Јувентус – Спортинг
Баер Леверкузен – Унион СГ
Феенорд – Рома
Првите четвртфинални натпревари се играат на 13-ти април, а реваншите се закажани седум дена подоцна 20-ти аптил, додека полуфиналните дуели се планирани за 11-ти и 18-ти мај, а големото финале е закажано за 31-ви мај во прекрасната „Пушкаш Арена“ во Будимпешта која што има капацитет од 60.000 гледачи.
