Кошаркарите на Партизан го совладаа Олимпијакос со 90:75 во рамките од 30-то коло во кошаркарската Евролига на домашен терен. Нанели и Пантер беа најефикасни во редовите на домашната екипа со по 17 поени, додека Ексум запиша два помалку. Со новата победа, кошаркарите на Жељко Обрадовиќ направија нов важен чекор во трката за пласман во Топ 8. Прв стрелец за Грците беше Мекесик со 21 реализиран поен.
Партизан сега се наоѓа на делба на шестото и седмото место со тимот на Макаби, со идентичен скор 17-13, две победи повеќе од Басконија и Жалгирис, кои моментно се на осмото и деветтото место на евролигашката табела.
Марио Хезоња го предводеше Реал Мадрид до победа над Виртус Болоња со 96:79, ставајќи крај на домашните надежи за пласман во плејофот. Реал започна со доминантен старт од 23:6 и немаше проблеми со домашниот тим. Марко Белинели на Виртус блескаше со 26 поени, вклучувајќи шест тројки, но Хрватот Хезоња беше уште подобар со 26 поени и 8 тројки од 11 обиди. Гершон Јабуселе допринесе со 24 поени за победата на Реал.
Евролига, 30 коло
Петок, резултати –
Фенербахче – Жалгирис Каунас 87:79
Монако – Валенсија 90:79
Виртус Болоња – Реал Мадрид 79:96
Партизан – Олимпијакос 90:75
Олимпиа Милано – Баерн 99:74
Табела:
1. Олимпијакос 21-9
2. Реал Мадрид 21-9
3. Барселона 20-10
4. Монако 20-10
5. Фенербахче 18-12
6. Макаби Тел Авив 17-13
7. Партизан 17-13
8. Басконија 15-15
