Фудбалската репрезентација на Саудиска Арабија се квалификуваше за Светското првенство во 2026 година по нерешениот резултат против Ирак (0:0) во Џеда.
Натпреварот од третото коло од четвртата фаза од азиските квалификации заврши без голови, но дури и тој резултат беше доволен „Зелените соколи“ да го обезбедат првото место во групата Б.
Иако и Ирак и Саудиска Арабија ја завршија групата со четири бода, подобрата гол-разлика им обезбеди место на Саудијците. Ирак ќе игра против Обединетите Арапски Емирати во петтото коло од азиските квалификации, а победникот од тој двомеч ќе се пласира во интерконтиненталниот плејоф за Мундијалот.
Саудиска Арабија со тоа стана 28-та репрезентација што обезбеди учество на СП, кое ќе се одржи во САД, Канада и Мексико.
Репрезентации кои досега обезбедија пласман на СП 2026:
АЗИЈА: Австралија, Иран, Јапонија, Јордан, Јужна Кореја, Узбекистан, Катар, Саудиска Арабија.
АФРИКА: Алжир, Тунис, Мароко, Египет, Гана, Зелен ’Рт, Јужна Африка, Брегот на Слоновата Коска, Сенегал.
КОНКАКАФ: Канада, Мексико, САД.
КОНМЕБОЛ: Аргентина, Бразил, Колумбија, Еквадор, Парагвај, Уругвај.
Океанија: Нов Зеланд.
ЕВРОПА: Англија.
