Силно невреме ги зафати Охрид, Струга и Дебрца. Пороен дожд и грмотевици, проследени со ветер повеќе од еден час има во охридско-струшкиот регион. Засега нема информации за предизвикани штети.
Според прогнозата на УХМР, локално процесите ќе бидат поинтензивни во форма на невреме проследени со обилен пороен дожд за кратко време, електрични празнења, силен ветер (над 60 км/час) и изолирана појава на град.
Невреме се очекува и во Скопје.
Невремето што траеше околу половина час ги испразни улиците низ градот.
Градската канализациска мрежа не можеше да ја прими сета вода, која почна да се излева од шахтите.
Градоначалникот на Охрид, Кирил Пецаков, свика состанок на Општинскиот кризен штаб поради невремето.
