Новата Admiral 55-метарска суперјахта S-Force Silver Star е резултат на средбата помеѓу световите на елитниот јахтинг и дизајнот, потпишан од Giorgio Armani и реализирана во соработка со Admiral Style Centre. Оваа суперјахта претставува потврда на “The Italian Sea Group,” дека се способни за соработка во уникатни проекти со други врвни италијански брендови, каде резултатот е совршен производ.
Оваа суперјахта од челик и алуминиум се истакнува со својот течен и извајан дизајн на екстериерот, со линии што динамично течат помеѓу површините, зголемувајќи го нејзиниот елегантен и спортски дух, додека го потврдува високиот квалитет.
Задниот дел е меѓу најиновативните детали на Admiral S-Force Silver Star и претставува уникатната област која многу наликува на егзотична плажа, со високи странични ѕидови изработени од непробојно стакло, кои штитат за време на ветровити денови и голема платформа за сончање. Современото целосно алуминиумска скалило овозможува лесен пристап до морето, обезбедувајќи поголем комфор за секој што сака да плива.
Оваа суперјахта е на 3 ката и располага со 6 кабини, вклучувајќи 1 главна, 1 VIP и 4 гостински и кабини за 11 членови на екипажот. На горниот кат, екстериорните и интериорните простории се поврзани со целосен стаклене ѕид кој гарантира непрекинатост меѓу собите.
На сончевиот најгорен кат има голема џакузи-врела када направена по специјална нарачка која гарантира максимален одмор за гостите. Ентериерите се потпишани од Џиорџо Армани, Armani / Каzа на S-Force Silver Star и го потврдуваат естетскиот филозофски пристап на есенцијален и истониран луксуз, со фини ентериери и неутрални тонови, во секое време многу елегантни и никогаш претерани. Деталите се фундаментални и даваат акцент на чистотата, класицизмот и во исто време модерноста на јахтата.
Минимализмот на формите го наоѓа својот контраст во употребата на скапоцените и избрани материјали, како висококвалитетни материјали и мрамори, рафинирани занаетчиски завршници и вешто мешање на бои, вклучувајќи слонова коска и сина, користени во субтилни и рафинирани нијанси. Секој детал, од слонова коска до мрамори во боја на розевото дрво и целата внатрешност произведена во Венеција, ја дефинира рафинираната-луксузна атмосфера во стил на вила.
The Italian Sea Group го покажа својот фокус на одржливост, со тоа што за оваа суперјахта добија сертификат за зелена одржливост (Green Plus certification), дополнителна доброволна забелешка издадена од RINA (Registro Italiano Navale) базирана на еколошки перформанс. Суперјахтата Admiral S-Force Silver Star со должина од 55 метри е уште една успешна приказна за The Italian Sea Group, благодарение на соработката со брендот на екселенција Giorgio Armani. Вниманието на секој детал, грижата за материјалите и барањето на одржливост се сите елементи кои ја прават ова суперјахта единствена и неповторлива.
