Роден и израснат во Лондон, Џејсон Ардеј научил да зборува дури на 11, а да чита на 18, но станал универзитетски професор на 37 години. Дијагностициран со аутизам кога имал само три години, тој сега е најмладиот црн професор досега на Универзитетот Кембриџ.
Иако му бил дијагностициран аутизам на тригодишна возраст, умот на Ардеј бил исполнет со прашања на кои повеќето деца не размислувале. Пред да зборува, често се прашувал „Зошто некои луѓе се бездомници?“, „Зошто има војна?“…
И покрај сите животни предизвици, тој стана најмладиот црн професор досега на Кембриџ. Својата способност да чита и пишува му ја должи на својот ментор и учител на колеџот, Сандро Сандри. Тој одлучи да студира физичко образование на Универзитетот во Сари. Своето образование го платил работејќи во продавници и аптеки. На 22 години сонувал за постдипломски студии.
Набрзо почнува да работи како предавач по физичко образование и здравствена култура на универзитетите.
Сандро ми кажа дека мисли дека можам да го направам тоа, дека можам да победам се – рече тој.
Ардеј ги поминувал своите вечери пишувајќи академски трудови и студирајќи социологија.
Но, на почетокот не му беше лесно.
Кога почнав да пишувам академски трудови, немав поим што правам. Немав ментор и никој никогаш не ми покажа како да пишувам. Сè што испратив беше одбиено. Беше толку сурово, но сè третирав како искуство за учење и, напротив, почнав да уживам во процесот – признава тој.
Наспроти сите шанси, тој магистрираше и докторираше.
Ардеј носи уникатна перспектива на високото образование, бидејќи пораснал во релативно обесправена област и предавал таму како учител. Тој од прва рака знае што е „системски расизам во образованието“.
Конечно го објави својот прв академски труд во 2018 година и обезбеди наставна позиција на Универзитетот во Рохамптон. Потоа стана вонреден професор по социологија на Универзитетот Дурам, а во 2021 година стана еден од најмладите професори во Велика Британија кога беше ангажиран од Универзитетот во Глазгов како професор по социологија на образованието.
Сега, со 37 години, Ардеј е најмладиот црн професор досега на престижниот универзитет Кембриџ и размислува за тоа што неговата позиција може да значи за другите кои се соочиле со слични неволји.
Се надевам дека тоа што сум на место како Кембриџ ќе ми даде влијание да ја водам таа агенда на национално и глобално ниво – рече тој.
И покрај признанието и напредокот што го постигна, тој верува дека неговата работа е недовршена. Тој признава дека напредокот не е лесен и бара вешто дејствување, пренесува YourTango.
Да се прави ова правилно е „уметност“ и бара вистинска дипломатија и секој мора да се чувствува инспириран да работиме заедно – рече тој.
