На хуманитарна аукција во Дубаи, регистерската табличка со обележје “P7” беше продадена за 55 милиони дирхами (15 милиони долари), што според организаторите на аукцијата, Емирати, е светски рекорд. Оваа цена ја надминува претходниот рекорд од 52,2 милиони дирхами (14,2 милиони долари) кој го држеше Саид Абдул Гафар Кури, кој ја купи истата регистарска табличка на аукција од истата компанија во февруари 2008 година.
Согласно со Си-Ен-Ен, организаторите на аукцијата се обратиле до Гинисовата книга на рекорди за потврдување на новиот рекорд, но уште нема одговор.
Приходите од продажбата ќе бидат донирани за хуманитарната кампања “Една милијарда оброци”, што е предводена од шеикот Мохамед бин Рашид Ал Мактум, владетел на Дубаи и премиер на ОАЕ. Оваа кампања има за цел да помогне на ранливите заедници ширум светот за време на светиот месец Рамазан.
На истата аукција, регистерските таблички со обележје 1, 2, 4, 5, 6, 8, 9 и 10 беа продадени за вкупно 2.950.000 дирхами (800.000 долари), додека регистерската табличка со обележје 22 беше продадена за 140.000 дирхами (38.000 долари). Вкупно, на аукцијата беа собрани повеќе од 71 милион дирхами (19,3 милиони долари).
