Јелена Карлеуша се потсети на нејзината романса со жестокото момче Зоран Давидовиќ Чанда. Тој беше ликвидиран на 23 март 2000 година, а Јелена откри што се случило по неговото убиство.
– За жал, доживеав да го видам на парчиња, но и во тие парчиња тоа беше тој за мене. Имав само 21 година. Видов каде му е устата и го бакнав во она што му остана од лицето, затоа што го сакав најмногу на светот. Никогаш нема да ја заборавам таа глетка. Мене никој никогаш не ме сакал како него, а тоа, инаку, е и причината за мојата голема нетрпеливост кон Светлана Ражнатовиќ – изјави Јелена во подкастот на Лазаров.
