Десетици летови од аеродромот Схипхол во Амстердам денеска се откажани поради снегот што се очекува попладне во Холандија, соопшти управата на аеродромот.
На веб-страницата на аеродромот Схипхол беше објавено дека се откажуваат речиси 150 дојдовни и појдовни летови.
Холандската авиокомпанија KLM, главниот корисник на аеродромот Схипхол, потврди за холандската новинска агенција АНП дека откажала 65 европски летови закажани за попладнево и вечерва.
