Повторно одложено судското рочиште за родилката од Дебар, Јилдиз Веапоска, која при породување во 2020 година во струшката болница, остана без три органи: бубрег, матка и јајник. На денешното рочиште требаше да сведочи вештак од Клиниката за гинекологија и акушерство, но тој не дојде поради годишен одмор.
Веапоска видно вознемирена и разочарана, рече нема никакви очекувања од струшкиот суд но најави дека нема да се откаже од правда.
Јас правдата колку години ќе ја барам, бидејќи сум физички оштетена а овде во ходниците судски и психички ќе се пореметам, така што можеби до мојата смрт правда ќе има“, рече Јилдаз Веапоска-родилка од Дебар.
После долго одолговлекување, судскиот процес се враќа на почеток, бидејќи судијата Живко Аврамовски и обвинителот Благоја Даскаловски заминуваат во пензија.
