Претседателката на Европската комисија, Урсула фон дер Лејен, во Сараево изјави дека за да се инвестираат фондовите на ЕУ во Босна и Херцеговина, неопходно е таа земја да спроведе реформи, предупредувајќи дека доколку реформите не бидат спроведени, средствата ќе бидат пренасочени во други земји од Западен Балкан.
„Ако се спроведат реформи, тогаш ќе дојдат и средства. Нам ни е јасно дека за реформите е потребно време, но доколку реформите не се спроведат, средствата ќе бидат префрлени во други земји од Западен Балкан“, рече Фон дер Лејен на прес-конференцијата по средбата со претседавачот на Советот на министрите на Босна и Херцеговина, Борјана Кришто.
Таа истакна дека исполнувањето на сите 14 клучни приоритети од Мислењето на Европската комисија, особено кога станува збор за владеењето на правото, е исклучително важно за Босна и Херцеговина.
Фон дер Лејен истакна дека ЕУ силно ја поддржува БиХ на нејзиниот европски пат и дека новиот Совет на министри на БиХ направил многу во првата година од својот мандат.
