Двајца мажи загинаа во Хрватска, во тешка сообраќајна несреќа на излезот од тунелот Учка, на истарската страна, а двајцата повредени се борат за живот во болница во Риека.
Несреќата во која учествувало возилото се случила во вторникот околу 19 часот, кога автомобил удрил во бетонски блок веднаш по излегувањето од тунелот, пренесува Index.hr.
Истарската полицијата соопшти дека загинале двајца државјани на Босна и Херцеговина, 37-годишен и 27-годишен.
Возачот, 25-годишен државјанин на Србија и уште еден сопатник од смачканото Ауди се пренесени во болницата во Риека. Како што утрово дознава Индекс, лекарите од вчера се борат за живот и двајцата се во многу тешка состојба.
Со колкава сила автомобилот се забил во бетонскиот остров, многу говорат фотографиите на кои се гледа што останало од автомобилот.
До несреќата дошло кога 27-годишен државјанин на Босна и Херцеговина управувал автомобил со босански регистарски таблички од правец на Риека кон Врање со брзина поголема од пропишаната.
При излегување од тунелот и пристигнување на кривината надесно, возачот не ја прилагодил брзината на карактеристиките на коловозот, туку свртел налево и удрил во сообраќајна сигнализација, а потоа и на дел од сообраќајниот остров на наплатната станица.
Возачот и уште еден сопатник се тешко повредени и се борат за живот во КБЦ Риека
Против возачот на автомобилот ќе биде спроведена кривична истрага кога тоа е можно поради неговата здравствена состојба“, соопштија од Истарската полиција.
