Во голем пожар што го зафати вчера вечер Омиш, Хрватска, повредени се 36 лица, 14 се хоспитализирани, а 7 се борат за живот. Како што објавуваат хрватските медиуми околу 2000 лица се евакуирани во спортската сала „Рибњак“.
Поради повредите здобиени во синоќешниот пожар, во Сплитската клиничка болница вкупно 36 лица добија медицинска помош. По лекарската помош, 14 пациенти беа хоспитализирани, додека останатите беа пуштени на домашно лекување“, соопшти болницата.
Седум пациенти се на интензивна нега и се во критична состојба.
Повеќето од лекуваните пациенти имаат изгореници, додека другите најчесто барале медицинска помош поради респираторни проблеми предизвикани од изложеност на чад.
КБЦ Сплит веднаш ги ангажираа сите достапни тимови за да обезбедат навремена грижа за повредените. Поради зголемениот прилив на пациенти, беа повикани и вработени кои беа на годишен одмор.
Голем пожар избувна во Локва Рогозница во текот на вечерта, а огнот се прошири кон Омиш и се приближи до центарот на градот. Пожарот загрози бројни куќи и згради, некои жители и туристи беа евакуирани, а предизвикана е голема материјална штета, има многу изгорени автомобили и згради.
Пожарот прво зафатил трева, ниска вегетација и борова шума на површина која сè уште не е проценета. Пожарот избувнал во непосредна близина на зградите и се проширил, потпомогнат од силните ветрови.
