Рускиот претседател Владимир Путин одлучи да не оди во Турција на церемонијата на полнење нуклеарно гориво во нуклеарната централа Акуа, пишува Themoscowtimes.com.
Весникот објави дека рускиот претседател наводно стравува дека би можел да биде уапсен врз основа на налог за апсење издаден од Меѓународниот кривичен суд (МКС) во Хаг поради сомневање за воени злосторства во Украина.
По наредба на МКС, Путин може да биде уапсен во една од 123-те земји кои го ратификувале Римскиот статут, врз основа на кој функционира судот. Турција, сепак, го нема ратификувано овој документ и не ја признава јурисдикцијата на судот во Хаг.
Во средината на март, Меѓународниот кривичен суд (МКС) во Хаг издаде налог за апсење на Путин поради сомневање за воени злосторства во Украина. Тој и детскиот правобранител Марија Лвова-Белова се особено осомничени за нелегална депортација на деца од окупираните територии на Украина во Русија.
На крајот на март турскиот претседател Реџеп Таип Ердоган го покани Путин лично да ја посети Турција.
„Можеби на 27 април ќе дојде и господин Путин или ќе се поврземе преку онлајн системот и, се надевам, ќе го направиме првиот чекор“, рече тој по повод почетокот на нуклеарната централа на ТВ А Хабер.
За подготовката на посетата на Путин извести и турското издание на весникот „Дик“. Беше планирано Путин заедно со Ердоган да ги посети провинциите погодени од земјотресот и да разговара за руско-турското партнерство на различни полиња.
Кремљ ја нарече нуклеарната централа Акуја во Турција важен проект за билатералните односи.
