Премиерот Димитар Ковачевски, заедно со високиот претставник на ЕУ за надворешни работи и безбедносна политика и потпретседател на Европската комисија, Жозеп Борел и специјалниот претставник на ЕУ за дијалогот Белград-Приштина и за Западен Балкан, Мирослав Лајчак, пристигнаа во Охрид во пресрет на утрешниот дијалог меѓу Србија и Косово.
Премиерот Ковачевски е домаќин на состанокот на високо ниво од дијалогот помеѓу Белград и Приштина на кој ќе учествуваат претседателот на Србија, Александар Вучиќ и косовскиот премиер Албин Курти, под покровителство на Европската Унија.
„Чест и признание е да се биде домаќин на состанокот на високо ниво од дијалогот помеѓу Белград и Приштина, на кој ќе учествуваат претседателот на Србија, Александар Вучиќ и косовскиот премиер, Албин Курти, под покровителство на Европската Унија.
Посакувам продуктивен утрешен ден на двете делегации во Охрид и отворен, конструктивен дијалог во насока на решавање на отворените прашања“, истакна Ковачевски на својот фејсбук профил, по пристигнувањето во Охрид.
