Најмалку 22 лица загинаа, а меѓу 50 и 60 луѓе се ранети во престрелка во градот Левистон, во американската сојузна држава Мејн.
Престрелката се случила на две локации во средата вечерта, јавуваат американските медиуми.
Комесарот за јавна безбедност на Мејн рече дека полицијата не може да го потврди точниот број на жртви бидејќи ситуацијата сè уште е „во тек“.
Полициски извор изјави за Фокс њуз дека загинале 22 лица. NBC News јавува, повикувајќи се и на полициски извори, дека се ранети меѓу 50 и 60 луѓе.
Полицијата во Лустон го идентификуваше Роберт Р. Кард од Баудоин, Мејн како главен осомничен, а на социјалните мрежи беа објавени фотографии на кои се подготвува да пука.
Потрагата по него се уште трае, а локалните власти веднаш го повикале на помош ФБИ.
Според полицијата, Кард е инструктор по стрелање. Надлежните соопштија дека се работи за лице за кое постои сомнеж дека е „вооружено и опасно“, поради што на локалното население му е кажано да не излегуваат од домовите доколку не мора.
Полициската управа во Левистон претходно објави три фотографии од осомничениот на кои се гледа нешто што изгледа како полуавтоматска пушка, заедно со фотографија од бел теренец и побара помош од јавноста за идентификување на осомничениот.
Канцеларијата на шерифот објави и слики од осомничениот, брадест маж во кошула со долги ракави и фармерки како држи пушка во позиција за пукање.
Се вели дека Кард неодамна имал проблеми со менталното здравје што го ставиле во болница ова лето, според американската телевизија.
Од полицијата потврдија дека инцидентите се случиле на две локации, во ресторан и во куглана. Во исто време тие два објекти се оддалечени околу 6,5 километри.
Гувернерката на Мејн Џенет Милс на платформата Х рече дека била известена за инцидентот и ги повика жителите да ги следат инструкциите на полицијата.
