Грчките одгледувачи на маслинки се обидуваат да закрепнат по минатогодишната очајна година. Цената на маслиновото масло, која годинава порасна за 56 отсто, се чини дека полека се намалува, барем на големо. По катастрофалната претходна година што ги зголеми цените, потрошувачите чекаат да ги видат резултатите од новото производство. Првите знаци оставаат малку простор за оптимизам. Производителот на маслинки, потпретседател на Сојузот на земјоделски задруги на Ираклион, Мирон Чилецакис за „Социјати Тајм МЕГА“ зборуваше за цената на маслото.
„Климатските промени ги погодија Европа и Медитеранот. Сè зависи од климатските промени. Климатските промени и резултатите што ги имаме секојдневно го намалуваат производството. Истата појава ја гледаме и кај нас. Годинава има зголемување на родот од 50% во однос на лани. Ова во килограми значи 200.000 тони маслиново масло“, рече тој.
„За жал, климатските промени влијаат на грчката маслинка. 80% имаат проблем со водоснабдувањето. Минатата година произведовме 350.000 тони маслиново масло. Годинава ќе бидеме задоволни ако успееме да дојдеме до 200.000 тони. Ако не врне во следните неколку месеци, ниту еден производител нема да оди да ги бере маслинките. Кај Шпанците, кои се први по потрошувачка на масло, зголемувањето на цените е за 80 отсто, во Португалија 70%, во Грција 63%, а во Кипар 49 отсто.
