Тимот за вонредни состојби издаде црвен аларм, истакнувајќи дека „голем облак од пепел“ патува западно од вулканот и дека во секое време може да се случи експлозија со пепел висока до 15 километри.
„Тековната активност може да влијае на меѓународните летови и авионите што летаат на пониски височини“, се вели во извештајот.
Локалните власти ги затворија училиштата и им наредија на жителите на околните села да останат во затворени простории бидејќи облакот од пепел може да се прошири на десетици километри околу вулканот, рече лидерот на Уст-Камчатски Олег Бондаренко во објава на Телеграм.
Еден од најголемите и најактивните вулкани на Камчатка, Шивелуч имал околу 60 значајни ерупции во изминатите 10.000 години, со последната голема ерупција во 2007 година. Бондаренко рече дека вулканот еруптирал во 6:31 часот по локално време и дека облакот се проширил во селата повеќе од 70 километри.
На жителите им се препорачува да останат дома и да избегнуваат непотребни патувања“, нагласи тој.
