Поранешниот директор на ЦИА и пензиониран американски генерал Дејвид Петреус истакна дека руската армија направила три клучни грешки за време на инвазијата на Украина.
„Тие целосно ги потценија украинските сили и ги преценија руските. Тие не можеа да ја наметнат својата линија на воена кампања и да ги подготват силите за спроведување на оваа кампања“, рече Петреус.
„Понатаму, тие немаа модерни телекомуникациски системи. Така, генералите продолжија да умираат“, додаде тој.
Имаше многу грешки што ги покажаа, некои очекувани, а некои неочекувани“, нагласи Петреус.
Тој, исто така, истакна дека руските комуникациски канали се едноканални и не се шифрирани, што им олеснува на Украина и нејзините сојузници да ги следат.
Пензионираниот генерал, како што пренесува Newsweek, исто така рекол дека украинскиот напад може да предизвика колапс на руските сили на југот на Украина и дека украинските сили ќе ослободат голем дел од украинската територија што Русите ја окупираа минатата година, до Крим.
