Вашингтон — Демократот Роберт Ф. Кенеди Џуниор, активист против вакцините, се кандидира за претседател на изборите во 2024 година.
Во средата, Кенеди поднесе изјава за кандидатура до Федералната изборна комисија и на тој начин го оспори актуелниот претседател Џозеф Бајден за номинација на демократите, објави АП.
Кенеди (69) е внук на американскиот претседател Џон Ф. Кенеди и син на неговиот убиен брат Роберт Ф. Кенеди, сепак, стана еден од водечките гласови во движењето против вакцинацијата пред повеќе од 15 години, тврдејќи дека вакцините се небезбедни.
Експертите за јавно здравје, па дури и членовите на неговото семејство ја опишаа неговата работа како погрешна и опасна, објави американската агенција.
Кенеди долго време беше вклучен во движењето против вакцините, но напорите се интензивираа по пандемијата и развојот на вакцините за корона.
Добротворната организација за борба против вакцините на Кенеди, Детска здравствена одбрана, напредуваше за време на пандемијата, со приходи повеќе од двојно зголемени во 2020 година на 6,8 милиони долари, според пријавите до добротворните регулатори.
