Како никогаш досега државата има силна меѓународна поддршка за членство во ЕУ со признаен македонски јазик и идентитет. Последен доказ за тоа е Резолуцијата усвоена во германскиот Бундестаг, велат од СДСМ.
Потенцираат дека земјава има историска шанса за продолжување на европскиот пат и остварување уште една стратешка цел: членство во ЕУ.
– СДСМ покажа државнички капацитет и подаде рака за дијалог.
– Мицкоски и ВМРО-ДПМНЕ променија став, веќе не се против уставни измени, прифаќаат учество во заедничка Влада и признаваат легитимитет на Собранието да ги донесе уставните измени. Сега на Мицкоски и опозициската ВМРО-ДПМНЕ е да покажат дали се интеграција во ЕУ. На опозицијата е да избере , дали ќе се остане на ставот и ќе продолжи дијалогот, стои во соопштението.
