Шпанската полиција влезе во седиштето на владејачката Социјалистичка партија (ПСОЕ) во Мадрид со судски налог за собирање информации за можна нелегална финансиска шема од страна на поранешен член на партијата, објави јавниот радиодифузен сервис РТВЕ.
Леире Диез е осомничена за нелегални плаќања поврзани со државната холдинг компанија СЕПИ, која учествува во управувањето со некои стратешки компании.
Операцијата доаѓа два дена откако судија во друг случај „Плус ултра“ побара да сведочи поранешниот социјалистички премиер Хозе Луис Родригез Запатеро, осомничен за кривични дела злоупотреба на влијание и перење пари.
Сопругата на сегашниот премиер Педро Санчез, исто така, е под истрага за злоупотреба на влијание. Полицијата веќе влезе во седиштето на ПСОЕ во Мадрид на 20 јуни 2025 година, кога тогашниот секретар на партијата, Сантос Сердан, беше обвинет за наводно манипулирање со договори за јавни работи, иако барањето за информации во таа пригода се однесуваше само на тој социјалистички функционер.
Најновите скандали би можеле да му наштетат на премиерот Санчез, кој е на власт од 2018 година, а кој следната година се соочува со парламентарни избори.
Санчез денеска е во Ватикан за да се сретне со Папата.
Лидерот на опозициските конзервативци, Алберто Нуњез Фејхо, им изјави на медиумите дека Санчез треба да распише предвремени избори.
