Потврдено е дека четири лица се загинати во бродска несреќа на езерото Маџоре во северна Италија, соопштија пожарникарите и италијанската новинска агенција АНСА во понеделникот наутро.
Пожарникарите првично соопштија дека три тела биле извлечени откако брод се превртел на јужниот дел од езерото во близина на градот Лисанц, на околу 50 километри северозападно од Милано.
Новинската агенција АНСА подоцна објави дека е пронајдено четврто тело на длабочина од 16 метри во близина на потонатиот брод, додавајќи дека се верува дека други биле спасени.
АНСА соопшти дека туристичкиот брод, на кој имало околу 24 лица, се превртел во неделата поради ненадеен вртлог. Дваесет луѓе беа спасени неповредени.
Според претседателот на регионот Ломбардија, Атили Фонтана, едрилицата долга 16 метри била изнајмена од туристи.
