Конклавата за избор на нов папа продолжува во Ватикан. Кардиналите ќе гласаат додека не изберат нов поглавар на Католичката црква, а денес би можеле да се одржат четири круга гласање.
Кардиналите треба да се соберат на миса во 8 часот наутро, по што ќе се повлечат во Систинската капела за ново гласање околу 9:15 часот наутро.
Според италијанските медиуми, денес би можеле да се одржат четири круга гласање. Се очекува првата да заврши околу 10:30 часот, но чад треба да излегува од оџакот само ако се избере папа.
Вториот круг гласање се очекува околу пладне, кога од оџакот треба да излегува чад – бел, ако папата е избран, или црн, ако гласањето е неуспешно. Доколку папата не биде избран, се очекуваат уште два круга во текот на попладнето и вечерта – во 17:30 часот оџакот ќе чади само ако папата биде избран, а во 19:30 часот повторно ќе се чека црн или бел чад.
Гласањето ќе продолжи утре во случај на црн чад. Двајцата претходни поглавари, Бенедикт XVI и Франциск, беа избрани на вториот ден од гласањето, додека кардиналите го избраа папата Јован Павле II на третиот ден.
