Долги колони возила на горештините чекаат да ја поминат македонско-српската граница кај граничниот премин „Табановце“.
За влез во Србија пет колони возила чекаат повеќе од еден час.
„Поради технички проблеми, системот на заедничкиот граничен премин кон Република Србија работи забавено, поради што има одредени задржувања при влез во Република Србија. Надлежните служби преземаат интензивни мерки за отстранување на проблемот и што поскоро нормализирање на функционирањето на системот“, информираа од МВР за „Слободен печат“.
