Американскиот претседател Доналд Трамп изјави дека војната во Појасот Газа ќе заврши за неколку недели, без да ги прецизира деталите за тоа како ќе заврши конфликтот.
Трамп рече дека „комуницира многу“ со израелскиот премиер Бенјамин Нетанјаху и му рекол дека војната во Појасот Газа мора наскоро да заврши, објави Ројтерс.
Тој рече дека САД и Израел продолжуваат да вршат притисок врз палестинската милитантна група Хамас да ги ослободи преостанатите заложници.
Трамп посочи на напорите на специјалниот претставник на САД за Блискиот Исток, Стив Виткоф, за обезбедување ослободување на заложниците, како и за обезбедување помош во храна за Појасот Газа.
Американскиот државен секретар, Марко Рубио, им рече на новинарите во Белата куќа, во заедничко обраќање со Трамп, пред средбата со јужнокорејскиот претседател Ли Џае-мјунг, дека САД сакаат да ја завршат војната во Појасот Газа и дека конфликтот ќе заврши без Хамас.
