Уште еден срамен чин се одвива во Македонија, во којшто државниот врв се крие и критикува за сопствените одлуки, вели портпаролот на ВМРО-ДПМНЕ, Наум Стоилковски, кој покажа делови од записници на владини седници од март 2021 година, кога во очи на локални избори, владата на СДСМ дава мислење на Шилегов и Скопје за преименување на улици, мостови и објекти!
– Ова се записниците за 50-тата и 51-вата седница каде што во отсуство на министер за финансии како што е наведено тука присутен е и гласа и Димитар Ковачевски во функција на заменик министер! Еве ја и 51-вата седница, записникот каде што е наведено името на заменик министерот тогаш Димитар Ковачевски, а сега премиер. Преименувањето на улиците, односно мислење од Владата за преименувањето на улиците на овие две седници се 9-та и 105-та точка, рече тој.
Стоилковски ја покажа одлуката како точка 9, каде што вели дека Владата ја разгледа предлог листатата за дополнување на листата на имиња на улици и плоштади, мостови и други инфраструктурни објекти и условно даде согласност на листата итн. итн.
– Еве ја и точка 105-та Владата го разгледа новиот текст на предлог листата за дополнување на листата на имиња на улици и даде согласност на листата. Ова е листата на имињата со одлука на Шилегов и СДС кои што го водеа Советот на Град Скопје и како советници од СДС и ДУИ ја прифаќаат предлог листата на Шилегов во март 2021 година. Ова е информација на сајтот на Град Скопје, каде што стои избор на нови имиња кои што ќе бидат содржани во предлогот, рече тој.
Како што посочи тоа е предлогот на градоначалникот Шилегов и Советот, земени се предвид етничките, културните и социјалните специфики и ова не случајно го читам и вели во таа насока во редот на нови имиња на улици ќе се најдат и „Беким Фехмију“, „Ибрахим Ругова“, „Адем Демачи“ и „Мајка Тереза“. И ова е листингот со промената на имиња од 2021 година, каде што како 142 предлог кој што поминува, а е промена на „Втора македонска ударна бригада“ во „Адем Демачи“!
– Значи, јасно стои промената на името „Втора македонска ударна бригада“ во „Адем Демачи“! И оттука почитувани, Владата на СДС со Заев, со гласање на Ковачевски, а на предлог на Шилегов, во 2021 го менува името на „Втора македонска бригада“ во „Адем Демачи“! Денес под притисок на јавноста, истиот Ковачевски којшто гласа за промена на „Втора македонска“ во „Адем Демачи“, бара во Чаир ако сакале улица со такво име да си изградиле!? А, ова стои во нивното соопштение од Кабинетот на Димитар Ковачевски. Е па, почитувани, Ковачевски да каже дали денес се срами што гласал за „Адем Демачи“ наместо за „Втора македонска“, па сега се крие и манипулира, бара Чаир да си изградил улица ако сакале да го носи името на „Адем Демачи“? – изјави Стоилковски.
Тој додаде дека Не постои срам и понижување на Македонија зад кое што не стои потписот на СДСМ!
– И не постои таков зафат без притоа СДС со лаги и криење да се обиде да избега од одговорност! Таков документ или зафат едноставно не постои, нагаласи Стоилковски.
