Шкотскиот фудбалски првак Селтик договори долгорочна соработка со англискиот стратег Брендон Роџерс и неговото назначување на тренерското место ќе биде официјализирано оваа недела, јавија британските медиуми.
Роџерс, кој го предводеше клубот од Глазгов од 2016 до 2019 година, според телевизијата Скај, потпишал долгорочен договор со Селтик.
Финансиските детали, засега, не се објавени, но според медиумите, Роџерс ќе биде најплатен тренер во историјата на Селтик.
Cелтик остана без тренер по завршување на сезоната, откако Австралиецот Ангелос Постекоглу го презеде лондонски Тотенхем.
