По двајцата Срби кои се обврзаа дека следната сезона ќе настапуваат во црвено-црниот дрес, управата на РК Вардар е на добар пат да ја освежи екипата со талентиран ракометар од Португалија.
Станува збор за 20-годишниот Нилтон Мело, кој игра на позицијата лев бек и кој е поранешен португалски младински репрезентативец. Негов последен клуб е Виторија, каде што настапувал како позајмен играч од Спортигн Лисабон.
Вардар досега ги потврди новите засилувања – бекот Стефан Петриќ од Партизан и крилото Марко Срдановиќ од Металопластика. Најтрофејниот клуб сезоната ја заврши на третото место во македонскиот шампионат и, ако добие зелено светло од ЕХФ, ќе игра во квалификациите за Европската лига.
