Невремето со пороен дожд и град, кое денеска ги зафати Гостивар и околината, предизвика поплави во куќи, подруми и дворови, информираат од Центарот за управување со кризи.
„Во селото Беловиште се поплавени неколку куќи и патот во селото. Во населбата Циглана во градот, водата оди од планината и постои опасност од поплавување на куќи. На улицата „Беличица“ поплавена е куќа со помошни објекти, а на улицата „Трајко Јовановски“, поплавени се подрумски простории од куќа“, велат од ЦУК.
Фотографии и снимки од последиците на невремето во Гостивар објави метеорологот Славчо Поповски на својот Фејсбук профил:
Фото: gostivarpress.mk
