Околу 900 луѓе се евакуирани од своите домови поради поплавите во Италија предизвикани од новиот бран дождови.
Над 500 луѓе се евакуирани во областа Равена, а 200 во Болоња. Сите останати исто така се евакуирани од регионот Емилија Ромања, јавува АНСА.
Околу 900 доброволци за цивилна заштита помагаат во итни случаи, вклучително и многу кои пристигнале од соседните региони.
Железничкиот оператор РФИ соопшти дека поради екстремни временски услови мора да бидат прекинати услугите на линиите Болоња-Римини, Форли-Римини, Ферара-Рими и Равена-Римини.
Во регионот Марке, силни поплави се пријавени во градот Пезаро, додека властите на Сенигалија апелирале до граѓаните околу реката Миса да се преселат на горните катови на зградите.
