На Алек Болдвин ќе му се суди за фаталното застрелување на камерманката Халина Хачинс во 2021 година за време на снимањето на вестернот „Rust“. Обвиненијата против Болдвин веќе еднаш беа отфрлени.
Хачинс почина кога репликата на револверот Колт .45,, со кој вежбал Болдвин во црква надвор од Санта Фе, испукал жив куршум што го ранил и режисерот Џоел Соуза.
На Хана Гутиерез, задолжена за реквизитте на сетот, ѝ се суди за наводно носење на вистински Колт .45 и за она што обвинителите го нарекоа „невешт и непрофесионален“ труд. Таа на полицијата и рекла дека го наполнила пиштолот на Болдвин со вистински куршум, помешајќи го со лажен.
Како Болдвин, и Гутиерез се соочува со обвинение за ненамерно убиство. Нејзините адвокати тврдат дека таа е жртвено јагне за непочитувањето на правилата за безбедност на огненото оружје од страна на актерот и хаотичната, нискобуџетна продукција која ги игнорирала безбедносните упатства на индустријата.
Во понеделникот, членот на екипажот на „Rust“ Рос Адиего им кажа на поротниците дека Гутиерез и првиот помошник директор Дејв Холс не извршиле безбедносни проверки на огнено оружје. Халс склучи договор за признавање вина минатата година и беше осуден за несовесна употреба на смртоносно оружје.
„Се движевме со луди брзини“, рече Адиего, додавајќи дека Гутиерез „не билa толку професионална“ како другите реквизитерки со кои работел.
Болдвин ја негираше одговорноста за смртта на Хачинс.
